Бусад хүмүүсДэлхий

Эмэгтэйчүүд амьдрахад хамгийн аюултай улс орнууд

XXI зуунд хүн төрөлхтөн технологи хөгжсөн, хүмүүнлэг энэрэнгүй ертөнцөд амьдрах ёстой боловч дэлхийн мэдээллийн хэрэгслүүд бидэнд эмэгтэйчүүдэд тохиолдсон, дундад зууны үеийнхтэй ижил гэмээр аймшигт хэргүүдийн талаар өдөр тутам мэдээллэж байдаг билээ.

Эмэгтэйчүүд амьдрахад хамгийн аюултай улс орнууд

Зарим оронд одоог хүртэл “эмэгтэйчүүдийн эсрэг” хууль, дүрэм үйлчилсээр байна. Жишээ нь, 2016 онд Саудын Арабын тэргүүлэх сэтгэл зүйч Халед аль-Сакаби “Эхнэрээ зөв зодох нь” нэртэй хэрхэн гэргийгээ занчих аргыг заасан видео бичлэг гаргажээ. “Эхнэрээ зодох нь бүхэл бүтэн шинжлэх ухаан бөгөөд “Аллахын хүслээр” эр хүн бүр энэ замаар бүдрэлгүй явах болно” гэж мань мэргэжилтэн өөрөө айлдсан байх юм.

 

1Хулгайлж болно

Ливан болон Мальтад хэрэв эрэгтэй хүн өөрийн хулгайлж хүчиндсэн бүсгүйтэйгээ гэрлэвэл түүнд шүүх ял оноохгүй. Энэ төрлийн гэмт хэргийн талаар шүүхээр нухацтай авч хэлэлцсэн ч, хэрэв тухайн хүн хохирогчтой гэрлэвэл түүний үйлдэл гэмт хэрэгт тооцогдохоо болих аж. Гэхдээ Ливанд тухайн гэр бүл таван жилийн дараа гэрлэлтээ цуцлавал хэргийг дахин сэргээж болно гэсэн заалт бий.
Хулгайлж болно

2Зодож болно

Нигерт эмэгтэй хүнийг хүчирхийлж болно гэсэн хуультай. Хэрэв нөхөр нь эхнэрийнхээ биед онцгой хүнд гэмтэл л учруулахгүй бол зодож болно. Саудын Арабад энэ талаар хуульд нарийвчлан заагаагүй ч эмэгтэй хүн нөхөртөө бүрэн захирагдах ёстой төдийгүй нөхөр нь эхнэрээ хэрэгтэй гэж үзсэн аргаараа “хүмүүжүүлэх” эрхтэй.
Зодож болно

3Хууран мэхэлбэл алж болно

Египет улсад  өөрийг нь хуурч байгааг мэдэж, үйлдэл дээр нь барьсан тохиолдолд тэр хүн эхнэрээ албал хуулийн хатуу шийтгэлээс чөлөөлөгдөнө. Албан бичиг баримтанд зааснаар бол тухайн гэмт хэрэгтнийг баривчилна. Гэхдээ түүнийг ямар хугацаагаар саатуулах тухай заагаагүй байна. Египетэд ийм гэмт хэргийг “нэр төрийн аллагад” тооцдог бөгөөд орон нутгийн шүүхийн байгууллага “сэтгэл санааны хүнд байдалд үйлдсэн аллагатай” дүйцүүлж үздэг ажээ.
Хууран мэхэлбэл алж болно

4Бүрэн хяналтанд байлгаж болно

Гвиней улсад эмэгтэй хүн нөхөр нь зөвшөөрөхгүй бол түүнээс тусдаа ажиллах эрхгүй. Йеменд эхнэр нь “Нөхрөө сонсох ёстой, дуулгаваргүй байж болохгүй, гэрийнхээ бүх ажлыг гүйцэтгэнэ” гэсэн хууль бий.
Бүрэн хяналтанд байлгаж болно

5Эмэгтэй хүнийг хүчиндэж болно

Бусдад хүчирхийлүүлсний улмаас нэгэн эмэгтэй нас барсан хэрэг 2012 онд Энэтхэгт гарч, дэлхий нийтийг цочроосон ч энэ явдлын дараахан “Гэр бүлийн хүрээнд эмэгтэй хүнийг хүчиндэж болно” гэсэн хуулийг эрх баригчид нь гаргажээ. Тухайн орны хууль тогтоомжинд “Хэрэв эхнэр нь 15-аас дээш настай бол нөхөр болон түүний эхнэр хоорондын ямар ч сексийн харьцаа хүчингийн хэрэгт тооцогдохгүй” гэсэн зүйл заалт оржээ. Сингапурт эхнэр нь 13 настай бол хүчиндэхийг зөвшөөрдөг. Багамд эхнэр нь 14-өөс дээш настай бол энэ хууль хүчин төгөлдөр үйлчилдэг.

Эмэгтэй хүнийг хүчиндэж болно

6Бага хөрөнгө залгамжилна

Тунис болон Арабын нэгдсэн Эмират улсад эрэгтэй хүн эмэгтэйчүүдээс хоёр дахин илүү өв хөрөнгө гэр бүлээсээ өвлөн авдаг. Хэрэв гэр бүлд зөвхөн хоёр охин байвал тэд хуулийн дагуу өв хөрөнгийн гуравны хоёрыг авна. Харин хэрэв тэд ах эсвэл эрэгтэй дүүтэй бол авах өв хөрөнгийн харьцаа өөрчлөгдөнө. “Эрэгтэй хүүхэд эмэгтэй хүүхдээс хоёр дахин их хөрөнгө өв залгамжилна” хэмээн хуульд заажээ.

Бага хөрөнгө залгамжилна

Эх сурвалж: Caak.mn

Холбоотой мэдээ

Leave a Reply

Your email address will not be published. Required fields are marked *

Close
Close