Бусад хүмүүс

Фэйсбүүк Мессенжэрээр бусад руу бичсэн мессэжээ нөгөө хүн нь харахаас өмнө устгах боломжтой “Unsend” товч удахгүй гарна.

Фэйсбүүк Мессенжэрээр бусад руу бичсэн мессэжээ нөгөө хүн нь харахаас өмнө устгах боломжтой “Unsend” товчийг удахгүй бүх хэрэглэгчдэд хүргэхээр туршиж байна.

Шинэ боломж дараагийн хувилбартай цуг нэвтрэх магадлалтай байгаа гэнэ.

Одоогоор фэйсбүүк мессенжэрт бичсэн мессэжээ устгах “delete” товч байдаг ч энэ нь зөвхөн бичсэн хүний цонхноос л устгадаг юм. Өөрөөр хэлбэл нэгэнт илгээсэн мессэжийг хүлээн авагчийн цонхноос арилгах, буцаах ямар ч боломжгүй.

Бичсэн мессэжээ устгадаг функцийг Марк болон Фэйсбүүкийн дээд албан тушаалтнууд нууцаар хэдэн жилийн турш ашиглаж байсныг сүүлд зарим хэвлэлүүд олж тогтоожээ.

2014 онд Sony Pictures компани хакеруудад дотоод мэдээллээ алдаж, удирдлагуудын хоорондоо харилцаж байсан мессэжүүд ил болж байв. Энэ явдлаас сургамж авсан Фэйсбүүк компани илгээсэн мессэжээ устгах боломжийг зөвхөн захирлуудынхаа хүрээнд бий болгон ашиглаж эхэлсэн юм байна.

Тэгвэл энэ онцгой боломж удахгүй бүх хүний хэрэглээ болох гэж байна.

Эх сурвалж: Independent

Холбоотой мэдээ

Leave a Reply

Your email address will not be published. Required fields are marked *

Close
Close