Бусад хүмүүс

Гадил буцалгаж уугаад, шууд унт! Нойрон дунд тань юу болно гээч..

Шөнө дутуу нойртой унтах, нойр хулжих гэдэг бол нэлээд томоохон асуудал болдог. Бүтэн өдрийн турш ядарсан хэрнээ шөнө унтах гэхээр нойр тань хүрэхгүй байна уу. Хэрвээ энэ зүйл тантай тохиолддог бол та үүнд анхаарал хандуулах хэрэгтэй бөгөөд энэ таны эрүүл мэндэд муугаар нөлөөлнө гэдгийг мартаж болохгүй. Нойр хулжихад нөлөөлдөг олон шалтгаан байдаг бөгөөд хамгийн түгээмэл нь сэтгэл санааны хямрал, зарим төрлийн өвчин намдаах эм, зүрхний эм, даралт бууруулах эм зэрэг байдаг байна. Тэгвэл энэ асуудлыг шийдвэрлэхэд танд гадил л байхад хангалттай.

Гадил буцалгаж уугаад, шууд унт! Нойрон дунд тань юу болно гээч…

Гадилтай цай

100% цэвэр гадил ашиглах хэрэгтэй гэдгийг мартаж болохгүй. Эс тэгвээс таны гадилтай цай химийн бодисоор дүүрэн болох болно. Энэхүү цайг бэлдэхэд танд ердөө л 10 минут хангалттай бөгөөд унтахынхаа нэг цагийн өмнө хэрэглэхэд үр дүнг мэдэрдэг.

Орц:

1 ширхэг гадил

Бага зэрэг ус

ижиг шанцай буюу корица

Хийх арга:

Гадилныхаа хоёр талыг зүсээд буцлаж буй усанд хийх хэрэгтэй. 10 минутын турш буцалгаж, шүүлтүүрээр шүүх хэрэгтэй. Амт оруулахын тулд бага зэргийн корица нэмж хийгээрэй.

Анхааруулга: Тайвшруулах үйлчилгээг сайжруулахын тулд гадилаа идээрэй.

Тайвшруулах үйлчилгээтэй эм таны эрүүл мэндэд яагаад муу вэ?

Нойргүйдлийн асуудалтай хүмүүс ихэнхидээ тайвшруулах эм ууж асуудлаа шийдвэрлэхийг эрмэлздэг. Энэ нь түр зуурын үйлчилгээ үзүүлдэг бөгөөд нойргүйдлийн шалтгааныг эмчлэж чадахгүй. Ихэнхи тайвшруулах эмэнд хар тамхины төрлийн бодис агуулагдсан байдаг учир нойрсуулах үйлчилгээтэй байдаг аж.

Тайвшруулах үйлчилгээтэй эм их хэмжээгээр хэрэглэснээр ходоод өвдөх, үргэлж толгой эргэх, өтгөн хатах, ой санамж муудах, оюун ухаан төвлөрөлт хүртэл мууддаг гэнэ.

Нойргүй байх нь таны биед хэрхэн нөлөөлөх вэ?

Хэрвээ та өдөрт 8 цаг унтаж чаддаггүй бол танд энгийн асуудлыг шийдвэрлэхэд ч нэлээн асуудалтай санагдана. Үүнээс гадна хүнд өвчин тусах магадлалтай бөгөөд үүнд хавдар, чихрийн шижин гэх мэт өвчин багтдаг байна.

Тиймээс бүтэн нойртой хонох нь таны эрүүл мэндэд тустай гэдгийг мартаж болохгүй бөгөөд хэрвээ нойргүйдлийн асуудалтай бол шалтгааныг нь олж эмчлэх хэрэгтэй. Энэхүү энгийн цайг ууснаар та үр дүнг нь мэдрэх болно.

Хэдэн настай хүн хичнээн цаг унтах ёстой вэ? Хэрвээ үүнээс бага бол таны бие организм гүйцэд амарч чадахгүй!

Хүн үр дүнтэй ажиллаж байхын тулд хангалттай нойр авч байх хэрэгтэй. Унтаж байх үед бие организм сулран, амарч шинэ эрч хүч цуглуулж байдаг билээ. Нойр дутах, нойргүй хонох, унтах цаг солигдох зэрэг нь эрүүл мэндэд ихээхэн хохирол учруулж магадгүй юм. Тэгэхээр хэдэн цаг унтах нь нойр бүрэн авах, эрүүл саруул байх, эрч хүч нөөцлөх нөхцөл болох вэ?

Энэ удаа хүний нас нойртой ямар хамаатай болон өөр бусад сонирхолтой зарим нэг баримтуудыг танилцуулъя.

Хэдэн цаг унтах хэрэгтэй вэ?

Та юу гэж хариулмаар байна? Ихэнх хүн 8 цаг, магадгүй зарим нэг нь үүнээс арай их цаг хэлж болох юм. Энэ нь ихэнх тохиолдолд зөв боловч зөвхөн ихэнх тохиолдолд юм шүү. Өөрөөр хэлбэл хүний наснаас хамаарч унтах цаг өөр байх ба өөр өөр насанд унтах хэмжээ ч бас харилцан адилгүй байх нь.

Харвардын их сургуулийн профессор Чарьлз Ксейслер нэгэн сонирхолтой туршилт хийсэн ба насны ялгаа унтах хэмжээний зохицлыг тодорхойлохыг зорьсон байна. Гарсан үр дүн нь:

Дөнгөж төрсөн хүүхэд (0-3 сар)

14-17 цаг Нялх хүүхэд (4-11 сар)

12-15 цаг Хүүхдүүд (1-5 нас)

11-14 цаг Сургуулийн өмнөх нас (6-13 нас)

9-11 цаг Өсвөр насныхан (14-17 нас)

8-10 цаг Залуу нас (18-25 нас)

7-9 цаг Насанд хүрэгчид (26-64 нас)

7-9 цаг Настай хүмүүс (65-аас дээш) 7-8 цаг

Бүх хүнд тохирох нэг сайн хуваарь гэж байхгүй ба гутлын хэмжээтэй адил юм. Өөрийн гэсэн график гарган, туршилт хийх хэрэгтэй. Нойр гэдэг бол маш сонирхолтой, хэрхэн зөв унтах, хичнээн хугацаагаар унтах, энэ нь биед яаж нөлөөлдөг гээд олон юм нь гүйцэд тайлагдаагүй зүйл юм. Тийм ч учраас эрдэмтэд одоог хүртэл энэ талаар элдэв туршилт хийсээр байна.

Нойр дутуу байх нь эрүүл мэндэд хортой гэж хэлэхэд буруудах зүйлгүй ба энэ нь зарим нэг биеийн үйл ажиллагаа: аливаа хариу үйлдэлд удаан болох, анхаарал сулрах зэрэгт сөргөөр нөлөөлдөг. Ялангуяа ужиг нойр дутуу байх нь бүр ч их хортой. Гэхдээ нэг өвөрмөц зүйл бий. Тэр нь ердөө 4 цаг унтсан хүн 7 цаг унтсан хүнтэй адилхан анхаарал төвлөрүүлж чаддаг байдал.

Учир утга нь өөр зүйлд байх ба ямарваа нэгэн зүйл хийж байгаа хүн хичнээн унтсанаас үл шалтгаалан анхаарал сарних тохиолдол үе үе гарна. Энд л гол ялгаа харагдах ба хангалттай нойр авч чадсан хүн эргээд бүх л зүйлдээ амархан төвлөрөх бол харин 4 цаг унтсан хүнд энэ нь маш хэцүү зүйл байх болно.

Харвардын профессор Клиффорд Сапер хэлэхдээ:

“Нойр дутуу хүний тархи толгой хэвийн ажиллах боловч хааяа хааяа цахилгаан хэрэгслийн тэжээл доголдохтой адил зүйл тохиолдоно”. Иймэрхүү доголдлын үед тархины айдас хариуцах хэсэг идэвхжих ба хүнд ямар нэг аюул занал тулгарч байгаа мэт байдлаар ажиллаж эхэлдэг. Үүнээс болж булчин шөрмөс чангаран, алга хөлөрч, сэтгэл санааны байдал ч тогтворгүй болно.

Хамгийн гол бэрхшээл нь иймэрхүү байдалд орсон хүн үйл ажиллагааны үр дүн нь буурч байгааг мэдрэхгүй ба аюулгүй байдалд байгаа гэсэн хуурамч сэрэхүйд хөтлөгддөг. Энэ нь ихээхэн муу үр дагавар дагуулж болзошгүй ба чухам ийм учраас жолооны ард суух бол заавал хангалттай нойр авсан байх хэрэгтэй.

Нойрны талаар өөр үзэл бодол бас бий. Жишээ нь профессор, сэтгэл судлаач Даниель Крипке нь нойр судлалаар ихээхэн судалгаа хийсэн бөгөөд түүний үзэж байгаагаар хэтрүүлж унтах нь бас хортой гэнэ. “Өдөрт 6,5-7,5 цаг унтдаг хүмүүс илүү урт насалдаг ба үр бүтээлтэй, аз жаргалтай байдаг. Харин илүүдэл нойр хүний эрүүл мэндэд сөрөг нөлөөтэй ба 8,5 цаг унтсан хүн 5 цаг унтсан хүнтэй харьцуулахад өвчтэй хүн шиг байдаг байна.”

Тэгэхээр одоо яах вэ? Дахиад хэлэхэд нойр бол хувь хүнээс ихээхэн шалтгаалах ба хамгийн зөв, энгийн зөвлөгөө бол бүтэн нойртой байх явдал юм. Олон төрлийн судалгааны дүнгээс харахад насанд хүрсэн хүн 7-9 цаг унтах хэрэгтэй ба энэ хэмжээнд хүрэхгүй бол бие организмд элдэв өөрчлөлт явагдаж эхэлнэ.

Мөн өдрийн унталт гэж нэг чухал зүйл байх бөгөөд боломж, нөхцөл байвал үүнээс татгалзах хэрэггүй. Зарим судлаачид өдрийн цагаар 20 минут унтах нь хүнийг сэргээж, ажлын үр дүнд сайнаар нөлөөлдөг гэж үздэг. Тэгэхээр хамгийн гол нь чамд таарах тэр л зөвлөгөөг олж түүнийг дагах явдал юм.

Холбоотой мэдээ

Leave a Reply

Your email address will not be published.

Close
Close