Но-той хүнУлс төрчид

Шадар сайд асан Ц.Оюунбаатар төсвөөс 150 сая төгрөг завшсан нь тогтоогджээ

Авлигатай тэмцэх газраас Шадар сайд асан Ц.Оюунбаатарыг эрх мэдэл, албан тушаалаа урвуулан
ашиглаж, улсын төсөвт онц их хэмжээний хохирол учруулсан гэх үндэслэлээр эрүүгийн хэрэг үүсгэн
шалгажээ. Мөрдөн шалгах явцад тэрээр улсад 150 сая төгрөгийн хохирол учруулсан болох нь тогтоогдсон
байна. Тодруулбал, Ц.Оюунбаатар нь өмнөх парламентын үед Шадар сайдын албан тушаалыг хашиж байх
хугацаандаа Биеийн тамир, спортын хөгжлийн төвийн дарга асан Д.Жаргалсайхан, тус төвийн Ерөнхий
нягтлан бодогч Б.Туяа нартай үгсэн хуйвалдаж, дээрх гэмт хэргийг үйлджээ.
3/27/2018 Шадар сайд асан Ц.Оюунбаатар төсвөөс 150 сая төгрөг завшсан нь тогтоогджээ

Тэд тухайн үед “Тэмээн поло-2016” тэмцээний зардалд 27 сая төгрөгийг зарцуулсан боловч 150 сая төгрөгийг дахин олгох шийдвэрийг гарган “Монголын тэмээн поло, спорт уралдаан аялалын холбоо” төрийн бус байгууллагын холбогдох этгээдүүдтэй үгсэж, тус төрийн бус байгууллагын дансанд 150 сая төгрөгийг хууль бусаар шилжүүлж авсан нь мөрдөн байцаалтын явцад тогтоогдсон аж.  Шадар сайд асан Ц.Оюунбаатар нарын энэхүү үйлдэлд АТГ-аас Эрүүгийн тухай хуулийн 163 дугаар зүйлийн 163.2-т зааснаар хэрэг бүртгэл нээж, мөрдөн шалгах ажиллагааг явуулж дуусчээ. Улмаар хэргийг шүүхэд хүргэх саналтайгаар прокурорын байгууллагад шилжүүлсэн байна.

Энэ талаар өчигдөр АТГ-ын Мөрдөн шалгах хэлтсийн дарга, эрхэлсэн комиссар Э.Идэрцогоос тодруулахад
“Шадар сайд асан Ц.Оюунбаатар нарт холбогдох хэргийг шалгаж дууссан. Манайхаас шүүхэд хүргүүлэх
саналтайгаар прокурорт шилжүүлсэн” гэх мэдээллийг өгсөн юм. Төрийн албан тушаалтан албаны эрх мэдэл буюу албан тушаалын байдлаа урвуулан ашиглах гэмт хэрэг буюу Эрүүгийн тухай хуулийн 263 дугаар зүйлийн 263.2-т энэ хэргийг давтан үйлдсэн, уг хэргийн улмаас их хэмжээний хохирол, хүнд хор уршиг учирсан бол тодорхой албан тушаал эрхлэх, үйл ажиллагаа явуулах эрхийг таван жил хүртэл хугацаагаар хасна. Мөн хөдөлмөрийн хөлсний доод хэмжээг 51-100 дахин нэмэгдүүлсэнтэй тэнцэх хэмжээний төгрөгөөр торгох, эсхүл таван жил хүртэл хугацаагаар хорих ял шийтгэнэ хэмээн заасан байдаг билээ.

Холбоотой мэдээ

Leave a Reply

Your email address will not be published. Required fields are marked *

Close
Close