Но-той хүн

Солонгосоос ирсэн найзаа хүчингийн хэрэгт “УНАГААД” 5,5 сая төгрөгийг нь залилж авчээ

Энэ хэргийг үйлдсэн Эрдэнэтийн Б.Мөнх-…гэдэг залуу уг нь намчин болж МАН эсвэл АН-д орсон бол улстөрийн явууллага, хорыг мэргэжлийн өндөр түвшинд хийх байсан. Ямар ч байсан Дарваан хар зэргээс л мундаг хийнэ дээ … Даанч их “авьяасаа” буруу зүйлд зараад баларчээ. Тэрээр Орхон аймгийн Баян-Өндөр сумын Зүүн дэнжийн 2-р гудамжны … тоотод суудаг агаад хуулийн хэллэгээр иргэн “…Т.Төр…-ыг согтууруулах ундааны зүйл хэрэглэсэн байхад нь хүчиндэх гэмт хэрэг үйлдсэн гэж айлган сүрдүүлж, 5500000 төгрөгийг хуурч мэхлэн, зохиомол байдлыг зориудаар бий болгож шилжүүлэн авч залилсан, мөн 16 насанд хүрээгүй М.А-г татан оролцуулсан …” гэмт хэрэг үйлдсэн. Аугаа зохион байгуулагч нь энэ хэргээ үйлдэхийн тулд  дүүгийнхээ найз охинд зааж сургаж хотод авчирч буудалд байрлуулж харин Солонгосоос ирсэн найзаа сайн архидуулсан байна. Найз нь бүр дунд сургууль хамт төгссөн атал сэтгэл нь эмзэглээгүй байна. Энэ хэрэгт холбогдсон буюу найзых нь өвөрт орсон охиноос Мөөжиг ах  нь хэдэн настайг асуугаад насанд хүрээгүй гэхэд чамаар хийлгэх ажил байна гэжээ.

Дараа нь “ажил эхлэхээр залгъя гэрийхэндээ гэртээ хоёр, гурван хоног хонохгүй шүү гэж хэлээд бэлдэж байгаарай” гэж зааварлажээ. Гурав хоногийн дараа машинтайгаа ирж аваад Улаанбаатар хот явжээ. Хотод ирээд “Сувдан сондор” хотхоны ард байрлах “Сандей” пабад оруулаад 10 мянган төгрөг өгч юм захиалаад сууж бай, би нөгөө найзаа дагуулаад ирье гэжээ. Нөгөө найз 10 жил хамт төгссөн Төр … нь байжээ.  Дунд сургуулийн хоёр найз 0.75 литрийн лонх архи ууж дуусах үед Мөөжиг хажуугийн ширээнд сууж буй охиныг “анзаарч” урин найзтайгаа танилцуулжээ. Тэр гурав ахин нэг лонх архи уугаад найз нь тасарчээ. Өглөө сэрэхэд нэгэн зочид буудалд өчигдрийн охинтой хамт хэвтэж байжээ. Тэр нь Сансарын ШТС-ын хажуу дахь хоёр давхар “Молор” гэдэг буудал аж.

Мөөжигийн аз болж найз нь сэрэнгүүтээ охиныг оролдсон байна. Гэхдээ илж таалахаас хэтрээгүй агаад охин заавар ёсоор дургүйцжээ. Найзыгаа жорлон орох үед Мөөжиг “чи утсаараа ээж аавтайгаа ярьж байгаа юм шиг мөн цагдаад намайг хүчиндсэн гэх мэтээр хэлээд дуудлага өгч байгаа юм шиг утсаар ярьж байгаад гар” гэж шинэ зааварчлага өгчээ. Охин зааврын дагуу хүчиндүүлсэн мэтээр ахтайгаа ярьж бүр уйлж жүжиглээд гарахад найз нь согтуудаа хүчирхийлсэн байж магадгүй гэж айжээ. Ингээд Мөөжигийн ажил эхэлжээ.  Хохирогч найз нь болсон явдлын тухай “…Мөөжигийн утас дуугараад Баянзүрхийн цагдаагийн 2-р дугаар хэсгээс Болдбаатар гэдэг нэртэй байцаагч өргөдөл ирсэн байна гээд залгаж байна гэж надад хэлсэн. Би айгаад шүүхийн хажууд байрлах өмгөөлөгчөөс үнэгүй хууль зүйн зөвөлгөө авахад хүчингийн хэрэг бол ял авна гэхээр нь бүр айсан. Мөөжиг надад цагдаагийн хэлтэс Сансарын тунель дээр байдаг, би уулзаад ирье, чамайг очвол шууд хорино гэхээр нь би айгаад үлдсэн.

…30 минутын дараа ирээд байцаагчтай уулзлаа,  чамайг хүчиндсэн гээд өргөдөл ирсэн байна гэсэн. Миний дэргэд Мөөжиг тэр охинтой утсаар яриад 15 сая төгрөг нэхэмжилж байна гэхэд би ийм их мөнгө нэхдэг юмуу гэсэнд тэгвэл ял авна даа гэсэн. Ингээд Мөөжиг нөгөө охинтой ахин ярьж 10 сая төгрөгийг хоёр хувааж өгөхөөр тохироод хэрвээ өгвөл өргөдлөө авахаар болсон. Мөөжиг заавал өөрийн дансанд хийлгээд тэр охинд өгнө гэсэн. Тэгээд бид салаад би гэртээ харьсан. Маш их айсан. Орой нь 21 цаг 18 минутад нууцалсан дугаараас залгаад Болдбаатар байцаагч байна, утсаа унтраахгүй шүү, маргааш дуудахаар ирээрэй гэхээр нь өглөө банк онгойход Мөөжигийн данс руу 5,5 сая төгрөг шууд хийсэн. Дараа нь гэртээ ирээд ээждээ болсон явдлыг хэлсэн. Ээж намайг дагуулаад Сансарын тунель дээр ирэхэд тэнд цагдаагийн хэлтэс байгаагүй, ээж Мөөжиг рүү залгахад танай хүүхэд чинь хүчин хийсэн ялтан гэж хэл амаар доромжилсонд цагдаад хандсан” гэжээ.  Харин ажиллагаанд оролцсон охин “…. Мөөжиг ах найзаасаа 2 сая төгрөг авсан гээд надад 500 мянгыг өгсөн.

Дараа нь уулзаад  баталгаа гаргах нь гэсэн толгойтой  бичигт 7 сая төгрөг авсан, гомдол саналгүй гэж бичүүлээд гарын үсэг  зуруулсан. Хэсэг хугацааны дараа залгаад Баянзүрх дүүргийн цагдаа дээр ирж мэдүүлэг өг гэхээр нь өөрийн хуурай эгчийн хамт Улаанбаатар хотод очсон. Мөөжиг ах хуурай эгч Чээмкад чи цагдаад хадам эгч нь байна, манай дүүг тэр залуу хүчиндсэн гэж хэлээрэй гээд 200 мянган төгрөг өгсөн. Эгч цагдаад гомдолтой байна гэж хэлээд тэр бид оройдоо Эрдэнэт буцсан. Нэлээд удсаны дараа Мөөжиг ах залгаад хотоос цагдаа нар ирчихсэн чи бид хоёрыг хайгаад байна, хэрвээ байцаалт өгөх юм бол би хүчиндүүлсэн, тэр хүн өөрөө нэхээгүй байхад мөнгө өгсөн, өгсөн мөнгийг нь үрчихсэн гэж хэлээрэй гэсэн. Би айгаад хичээл тарангуут найзындаа очоод утсаа унтраасан …” гэжээ.

NUUTS.mn

Холбоотой мэдээ

Leave a Reply

Your email address will not be published. Required fields are marked *

Close
Close