Бусад хүмүүс

Хувь заяаны бэлгэдэл есөн мэнгэтэн

1 цагаан мэнгэтэн: Тэнгэр тул төмөр мах бодитой. Энэ мэнгэтэн нь эцэг эхээ шүтэн асарч энэрвээс эд баялаг, буян арвижах, сэтгэл мэдрэлийн согтуу, галзуу хүний гараас эд зүйлс авах, үхэгсэдийн эдлэл хэрэгслэл хэрэглэх буюу авах, хүүхдийн найрт (сэвлэг үргээх, төрсөн өдөрт очих) очих, нэг цагаан мэнгэний орших зүгээс тус, гэм эрэх, гурван цэнгээс илүү алт, үнэт зүйлээс амь нас цөвтөх гэмтэй, эд эдлэл дунд зэрэг бол өлзийтэй, эрэгтэй хүндээ хатуу, эмэгтэй хүндээ дунд хэмээсэн.

2 хар мэнгэтэн: Шулмас тул усан мах бодитой. Энэ мэнгэтэн нь юуг ч үйлдэнэ (сайн, муу аливаа үйлийг). Биеийн баруун, зүүнээ мэнгэтэй бол балгас, суврага, эвдэрхий байр савд хоновоос өвчин ээоэх, үхлийн гай ирэх гэмтэй. Хань ижил, эр нөхрөөсөө хагацах гэм их, эр хүнд идэр наснаа зэтгэр, элэнц, хуланцын хорлол (хүүрийн буг хөдөлснөөс), мэсний аюул нүүрлэх, амь наснаа цөв гарах гэм их, төрсөн газрын хишиг барагдах (30-45 наснаа хичээвэл зохилтой)

3 хөх мэнгэтэн: Хагацахын тул усан мах бодитой. Энэ мэнгэтэн нь хилэнцэт газар (хэл, ам хэрүүл тэмцэлт), оршуулга, зовлонт газарт (шорон) очих, лус болон өөрийн дотны хүнд хорлолоос үхлийн хорлол хийх гэм их, хишигт идээ хүнд өгөвөөс өөрөө хоосрох эзэнт мод, эрхэт чулуу бүү хөнд хэмээсэн.

4 ногоон мэнгэтэн: Лус тул модон мах бодитой. Энэ мэнгэтэн нь эрэгтэй нь баруун мөр тохойд мэнгэтэй бол эмийн хэл амнаас гэм ирнэ. Үхэхсэдийн яс барьж үл болно. Бэлэвсэний үсний бузар болох, сахиусийн гэмээс гэнэтийн үхэл тохиох, эмэгтэй хүн, охидод хатуу, зүрх, судасны өвчнөөс гаригийн гай ирэх (цус харвах) гэм их хэмээсэн.

5 шар мэнгэтэн: Хаан тул шороон мах бодитой. Энэ мэнгэтэн нь үр тасарсанаас эд авах (хүүхэд гаргаагүй), элдэв жүдтэй, эв эвдэрэх (лам, хуврага, мэргэ төлөгч, бөө, удган, зурхайч), бор идээнээс гэм ирэх, (шар бадган тусах), нохой ( ‘эх, наймаа арилжаа хийх, хурим найрт очих зэргээс гэм ирэх догшин газар эзэнт мод хөндөж үл болох хэмээсэн.

6 цагаан мэнгэтэн: Эмийн тул төмөр мах бодитой. Энэ мэнгэтэн олон санаат (олон аашт), хүний охинд хүргэн орох, эцэг эхдээ ачлал их, эмэгтэй нь ургийн мэнгэ эс тохирвоос ммон гал үзэх, баруун ташаандаа мэнгэ бүхий бөгөөс цагаан халтар нохойноос гэм ирнэ. Сэтгэл таарахгүй хүнтэй эвдэрвээс (мэсний, хэл амны бузар болох) зэргээс амь нас Цөвтөх, элэнц, хуланцын өс санах, гаслант үйлийг тэвчих хэмээсэн.

7 улаан мэнгэтэн: Тамын тул гал мах бодитой. Энэ мэнгэтэн нь мах идэж үхэх гэм их. Олгойн мах бүү ид, архи дарсанд дур их, алт, мөнгө, эрдэнэс эдлэнэ. Түймэрт газар, улайн газрын гэм их. Өр бүү нэх.
8 цагаан мэнгэтэн: Хэрүүрийн тул төмөр мах бодитой. Энэ мэнгэтэн бэлэвсэний идээ, гөрөөсний мах, нохой авах,

өс хонзон, хэл ам, хэрүүлт газар хүүрийн бузраас гэм ихтэй. Эдийн гарз их, бэлэгийн хорлолтой хэмээсэн.
9 улаан мэнгэтэн: Хишигт тул гал мах бодитой. Энэ мэнгэтэн зүүн биенээ мэнгэтэй бол хор шар ихтэй. Энэ нь нэг бол сайн, нэг бол муу. Эмэгтэй нь ургийн мэнгэ, үрийн гал эс зохицовоос гурван галыг үзэх, олз олох хувьтай ч мнлны сахиусын хорлолтой үргэлж хишиг урагдах, гэм их IV” доройтох, өгсөх нь олонтой хэмээсэн.

Өдөрт ургах есөн мэнгэний
үрийг таних нь

Дорно дахины болон Монгол зурхайн амьдын зурхайн |урлагат тэнгэрийн хүчин есөн мэнгэ нь өдөрт оноогдон эрхшээгдэхдээ ямар үйлд эрхэм сайн, ямар үйлд сөрөг муу болох талаар зурхайн зурдагат үзүүлсэн байдаг.

1. 1 цагаан мэнгэ өдөрт оноогдон эрхшээгдсэн бол тухайн өдөрт хүүхэд хөлд оруулах, хүүхдийн найр цэнгээнд оролцох сэвлэг үргээх, төрсөн өдөрт очих зэрэг), хүүхэд гадагш өгөх зэрэгт муу бусад үйлнээ сайн.

2. 2 хар мэнгэ өдөрт оноогдон эрхшээгдсэн бол хануур, төөнүүр, бурхан сахиус тахих, шөнө орой явах, тэнгэр тахих, бэрийн үйл, нүүдэл зэрэгт муу үртэй бусал үйлнээ эрхэм. Нэн ялангуяа хүч хэрэглэх, хараал хийх, дарах үйлэнд нэн сайн.

3. 3 хөх мэнгэ өдөрт оноогдон эрхшээгдсэн бол хад, чулуу ховхлох, залбирал үйлдэх, тэнгэр тахих, мод, цэцэг, жимс таслах үйлнээ муу үртэй бусад үйлнээ эрхэм.

4. 4 ногоон мэнгэ өдөрт оноогдон эрхшээгдсэн бол ус угаах, бэлэвсэн эмийн газар очих, хүүхэд үүдэнд хөтлөх муу үртэй бусад үйлнээ эрхэм. Нэн ялангуяа лус найман аймаг тахих, залбирал үйлдэх сайн.

5. 5 шар мэнгэ өдөрт оноогдон эрхшээгдсэн бол газар хагалах, ногоо тарих, хурим найр хийх, нохой авах, тэжээх үйлнээ муу үртэй. Элдэв гэрээ хэлэлцэл, дээш өргөх айлтгал зэрэгт эрхэм сайн.

6. 6 цагаан мэнгэ өдөрт оноогдон эрхшээгдсэн бол сэтгэл таарамжгүй хүнтэй муудах, хир буртаг, бузарт ойртох, бэлэвсэнд очих зэрэгт муу үртэй бусад үйлнэ эрхэм, хишиг уриваас нэн сайн.

7. 7 улаан мэнгэ өдөрт оноогдон эрхшээгдсэн бол хануур, төөнүүр, мал нядлах, хиншүү хярваст газар очих, цэрэгт мордох, цэрэг хөдөлгөх, мал хөнгөлөхөд муу үртэй бусад үйлнээ эрхэм.

8. 8 цагаан мэнгэ өдөрт оноогдон эрхшээгдсэн бол хүнд бэлэг өгөх, бэрийн аливаа үйл хийх, оролцох, бузарт ойртох зэрэг үйлнээ муу үртэй бусал үйлнээ эрхэм.

9. 9 улаан мэнгэ өдөрт оноогдон эрхшээгдсэн бол эд мал гадагш өгөх, хөрөнгө таслах, гэрийн үйл хийх, өр зээл төлөх, хануур, төөнүүр хийх үйлнээ муу үрт бусад үйлнээ эрхэм

Холбоотой мэдээ

Leave a Reply

Your email address will not be published. Required fields are marked *

Close
Close