Но-той хүн

Нэг сар 20 хоногтой хүүхдээ хүнсний дэлгүүрт орхиж явсан хэрэг гарчээ

Сүүлийн жилүүдэд амьд болон эндсэн нярайг хаяж, төөрүүлэх гэмт хэрэг ихэсч байна. Хамгийн сүүлд л гэхэд БЗД-т хүнсний дэлгүүрт 17 настай А-н өөрийн төрсөн хүүгээ орхиж явсан хэрэг гарсан байна. Тодруулбал, иргэн А- нь өөрийн төрсөн хүү болох нэг сар 20 хоногтой хүүгээ орхиод явжээ. Хэргийн дагуу тус дүүргийн цагдаагийн газар шуурхай ажиллаж иргэн А-г барьж хүүгээ орхиж явсан шалтгааныг нь асуухад тэрбээр төрсөн эцэгт нь өгнө гээд орхиж явсан гэсэн мэдүүлэг өгсөн гэнэ.

Одоогоор тус хэргийг БЗД-ийн цагдаагий хэлтэс шалгаж байгаа аж.

Хаягдсан нярайн эцэг, эхийг олж тогтооход хэцүү байдаг төдийгүй ихэнх нь амьдралын баталгаажих түвшингээс доогуур орлоготой иргэд байдаг тухай албаны эх сурвалж онцолсон юм.

Энэ төрлийн гэмт хэрэг 1990 оны сүүл 2000 оны эхээс нярай хүүхдээ хаях гэмт хэрэг ихэссэн бөгөөд хүүхдийн мөнгө эхлэх дунд үед энэ гэмт хэрэг багассан хэдий ч сүүлийн жилүүдэд дахиад өсчээ.

Амьд болон эндсэн нярай хүүхдээ хаа сайгүй хаях гэмт хэрэг нь Эрүүгийн хуулиар шийтгэгдэж, таван жил хүртлэх хугацаагаар хорих хүртэл ялаар шийтгүүлдэг хуулийн зүйл заалт байдаг ч яг энэ хэргээр ял эдэлсэн иргэн хуруу дарам цөөхөн байдаг аж. Төрүүлсэн үрээ хаяж, нүүр буруулна гэдэг эх хүнээс гарах үйлдэл гэхэд итгэхэд бэрх.

Гэтэл чулуу хүртэл эмтэрдэг гэгддэг эхийн сэтгэл адгууснаас долоон дор байгаа нь харамсалтай. Учир нь, адгуус хүртэл үрээ хайрладаг байхад эх хүн төрүүлсэн үрээ гудамж талбай, хогийн сав, гүүрний дор бүр жорлонд хүртэл хаяж байгаа нь Монголын айхтар эмгэнэл гэлтэй. Нөгөө талаар, хүн болж төрнө гэдэг атга будааг асгахад зүүний үзүүр дээр тогтсон ганц будаатай зүйрлэдэг. Гэтэл ийм их хувь тавиланг олж төрсөн хүүхдээ хаяж байгаа нь бүр ч харамсалтай юм.

source: zaluu.com

Холбоотой мэдээ

Leave a Reply

Your email address will not be published.

Close
Close